Çin Donald Trampla qarşılıqlı faydalı şərtlərlə əməkdaşlığa hazırdır.

Editor.az xarici mediaya istinadla xəbər verir ki, bunu Çin Xarici İşlər Nazirliyinin sözçüsü Quo Jiakun Trampın Çin və ABŞ arasında uzunmüddətli birgəyaşayış perspektivləri barədə fikirlərini şərh edərkən bildirib. O qeyd edib ki, Pekin Vaşinqtonla müxtəlif yollarla əlaqələr saxlayır. “Biz Amerika tərəfi ilə əməkdaşlığa, qarşılıqlı hörmət, dinc yanaşı yaşamaq və qazan-qazan əməkdaşlıq prinsiplərinə riayət etməyə, hər iki ölkənin və dünyanın rifahı naminə ikitərəfli münasibətlərin sabit, sağlam və davamlı inkişafına kömək etməyə hazırıq”,- Guo deyib. Diplomat vurğulayıb ki, həm Çin, həm də ABŞ-ın uğurları onlar üçün qarşılıqlı imkanlar deməkdir və qarşılıqlı stimul yaradır.

Çin Xarici İşlər Nazirliyinin nümayəndəsi əlavə edib ki, Pekin Amerika tərəfi ilə ticari-iqtisadi əlaqələrin qarşılıqlı hörmət prinsipləri əsasında inkişafını dəstəkləyir. Yanvarın 6-da ABŞ-ın maliyyə naziri Janet Yellen Çini Ukrayna ilə münaqişədə Rusiya Federasiyasına maddi dəstəyin göstərilməsinin nəticələri ilə hədələyib. O, həmçinin Çinin sponsorluq etdiyi aktyorların kiber fəaliyyətindən ciddi narahatlığını ifadə edib.

//Gülnarə Abasova, Editor.az