Çin Xalq Azadlıq Ordusu (ÇXO) bu gün, dekabrın 27-də yeni nəsil universal desant gəmisinin (UDC) suya buraxıldığını elan edib. 076 gəmisi dünyanın ən böyük UDC-dir. PLA-nın bəyanatına görə, dənizə buraxılış mərasimi Şanxaydakı gəmiqayırma zavodunda baş tutub.

Mərasimdə elan edilən fərmana əsasən gəmi “Siçuan” adlandırılıb və 51 nömrəli quyruq nömrəsi alıb.

“Siçuan 076” tipli gəmilərdən birincisidir. Gəminin yerdəyişməsi tam yükləndikdə 40 min tondan artıqdır. Gəminin iki ada üst quruluşu var, uçuş göyərtəsi gəminin bütün uzunluğu boyunca uzanır. Gəmi elektromaqnit katapult və aerofinişerin innovativ texnologiyalarından istifadə edir ki, bu da müxtəlif tipli təyyarələrin, o cümlədən qırıcıların, helikopterlərin və ağır pilotsuz nəqliyyat vasitələrinin buraxılması və endirilməsi imkanlarını genişləndirir.
Amerikalı hərbi analitik Karl Şuster hesab edir ki, gəminin ölçüsü “güclü bəyanatdır”. “Bu, ABŞ Hərbi Dəniz Qüvvələrinin əməliyyatlarının həcminin və imkanlarının… əhəmiyyətli dərəcədə azaldığı bir vaxtda PLA Hərbi Dəniz Qüvvələrinin dəniz ekspedisiya və amfibiya əməliyyatlarına və onların imkanlarının genişləndirilməsinə diqqətini nümayiş etdirir”, – deyə Şuster bildirib.

//Samir Qurbanov, Editor.az