Ukrayna prezidenti Volodimir Zelenskinin 1991-ci il sərhədi ilə bağlı şərtlər olmadan Rusiya ilə danışıqlar aparıla biləcəyi ilə bağlı açıqlamaları Qərbə təzyiq manevridir.

Editor.az xəbər verir ki, bunu hərbi ekspert Lianq Yonçun bu barədə Çin Milli Radiosuna (CNR) müsahibəsində bildirib. Onun sözlərinə görə, ABŞ-ın yardımının dayandırılması və Avropanın məhdud yardımı səbəbindən Ukraynanın təkbaşına cəbhədəki vəziyyəti saxlamağı çətindir. “Ona görə də sülh danışıqları tələbi həm əlverişsiz müharibə şəraitindən irəli gələn məcburedici zərurətdir, həm də Qərbə gizli kömək çağırışıdır”, – ekspert bildirib.

Lianq həmçinin əlavə edib ki, ABŞ Rusiya Federasiyası ilə Ukrayna arasında danışıqlara icazə verməyəcək, çünki hazırkı münaqişə ona həm Rusiyanı, həm də Avropanı eyni vaxtda zəiflətməyə imkan verir.

Qeyd edək ki, martın 30-da Zelenski bildirib ki, Rusiya ilə sülh danışıqları Ukrayna Silahlı Qüvvələri (AFU) 1991-ci il sərhədlərinə çatana qədər başlaya bilər. Onun sözlərinə görə, Kiyev 2022-ci ildən sonra itirilmiş ərazilərə nəzarəti bərpa edərsə, dialoq mümkün ola bilər.

//Gülnarə Abasova, Editor.az