ABŞ prezidenti Co Bayden ukraynalı həmkarı Volodimir Zelenskiyə Ukraynanın Rusiyaya qarşı müharibəsində kömək etmək üçün az sayda uzaqmənzilli ATACMS raketlərini təhvil verəcəyini deyib.

Editor.az bildirir ki, bu barədə NBC News, üç Amerika rəsmisinə və danışıqların gedişi ilə tanış olan Konqres nümayəndəsinə istinadən məlumat verib.

Amerika telekanalının mənbələri Ukraynanın ATACMS-i dəqiq nə vaxt alacağını və ya ABŞ-ın bu raketləri ötürmək qərarını nə vaxt açıqlayacağını dəqiqləşdirməyib.

NBC-nin konqresdəki mənbəsinə görə, ABŞ rəsmiləri hələ də Ukraynaya göndəriləcək raketlərin növü və sayını müzakirə edir və əlavə edib ki, Şərqi Avropa ölkələri artıq silah ehtiyatlarının əhəmiyyətli bir hissəsini Kiyevə köçürüblər.

//Samir Qurbanov, Editor.az