ABŞ prezidenti Donald Tramp keçmiş prezident Co Baydenin səhhəti və köməkçilərinin prezidentin avtomatik imzasından istifadə etməsi ilə bağlı araşdırma aparılmasına göstəriş verib.

Bu barədə Ağ Evin dərc etdiyi memorandumda deyilir.
Sənəddə qeyd edildiyi kimi, cənab Baydenin psixi sağlamlığı illər keçdikcə pisləşir. Donald Trampın fikrincə, keçmiş prezidentin köməkçiləri Co Baydenin əvəzinə mühüm sənədləri imzalamaq üçün avtoqələmdən sui-istifadə etmiş ola bilərlər. Memorandumda qeyd olunur ki, avtoimza onun prezidentlik müddətinin ikinci yarısında xüsusilə fəal şəkildə istifadə olunub.
Baş Prokuror Ağ Evin hüquq müşaviri ilə birlikdə araşdırma aparacaq və avtoimzadan istifadəyə kimin əmr verdiyini, həmçinin hansı konkret sənədlərin, o cümlədən əfv fərmanlarının və icra sərəncamlarının bu şəkildə imzalandığını öyrənəcək. Bundan əlavə, istintaq Co Baydenin səhhətinin mümkün gizlədilməsini və ya onun idrak qabiliyyətləri ilə bağlı yalan ictimaiyyətə açıqlamalarını əhatə edəcək.

//Samir Qurbanov, Editor.az