Zəlzələ baş verən gecə Hatayın Yayladağ rayonunda bibisi evində qalan türkiyəli bloger Taha Duymaz dünyasını dəyişib.

Editor.az azxəbər-ə istinadla bildirir ki, jurnalist, yazıçı İlhami Işık və müğənni Nihat Doğan sosial media hesablarında gənc fenomenin dünyasını dəyişdiyini açıqlayıb.

İlhami Işık tvitter hesabında “Nə gözəl uşaq idin sən Talha. Hüzur içində yat ciyərim. Məkanın cənnətdir inşallah” notunu əlavə edib.

Qeyd edək ki, ötən ilin dekabrında Armağan Çağlayanın verilişinin qonağı olan 19 yaşlı fenomen Taha Duymaz proqramda bəlkə böyümədən öləcəm. Bəlkə 19-da, 20-də 25-də köçüb gedəcəm dünyadan kimi ifadələr işlətmişdi.