Azərbaycanda dağlıq ərazidə itkin düşmüş şəxslər artıq İsmayıllı rayonuna gətiriliblər.

Oxu.Az-ın məlumatına görə, alim Elnur Nəciyev və Emil Cəbrayılov olduqları ərazidən Şahdağ Milli Parkın İsmayıllı bölməsi ərazisindədirlər.

Hazırda onlar həkim nəzarəti altındadırlar.

11:55

Azərbaycanda dağlıq ərazidə itkin düşmüş şəxslər təxliyə ediliblər.

alim Elnur Nəciyev və Emil Cəbrayılov olduqları ərazidən İsmayıllıya gətirilirlər.

08:32

Dağlıq ərazidə itkin düşmüş şəxslər tapılıblar.

Bu barədə “Report”a açıqlamasında Bioloji Müxtəlifliyin Qorunması Xidmətinin rəisi Firuddin Əliyev deyib.

“İtkin düşmüş 2 vətəndaşın axtarışına Şahdağ Milli Parkından ərazini yaxşı tanıyan 17 əməkdaş ayrılıb. Saat 8 radələrində komandalar bir-birinə xəbər ötürərək bildiriblər ki, 2 vətəndaş tapılıb. Sadəcə ərazi dumanlı, relyef isə mürəkkəb olduğuna görə dağdan enmək çətindir. Günorta saat 1-2 üçün aşağı düşə biləcəklər. Bununla belə, səhhətlərində heç bir problem yoxdur. Digər komandalara da məlumat verilib, onların düşürülməsi təşkil ediləcək”, – deyə o qeyd edib.

Eyni zamanda, itkin düşənlərdən biri – Elnur Nəciyevin həyat yoldaşı Günay Nəciyeva göstərilən dəstəyə görə Ekologiya və Təbii Sərvətlər Nazirliyinə, “Şahdağ” Milli Parkının əməkdaşlarına təşəkkürünü bildirib.