“Rusiya və Ukrayna arasında keçirilən danışıqlarda tərəflər ikinci dərəcəli məsələlər üzrə razılığa yaxındırlar, lakin əsas siyasi məsələlərdə irəliləyiş yoxdur”.

Editor.az “qafqazinfo”-ya istinadən xəbər verir ki, bunu jurnalistlərə açıqlamasında danışıqlarda iştirak edən Rusiya nümayəndə heyətinin rəhbəri, Rusiya Prezidentinin köməkçisi Vladimir Medinski deyib.

Onun sözlərinə görə, tərəflər arasında bazar ertəsindən cümə gününə qədər bütün həftə ərzində videokonfrans formatında danışıqlar aparılıb. O bildirib ki, danışıqlar sabah da davam etdiriləcək.