35-dən çox demokrat konqresmen ABŞ prezidenti Co Bayden və dövlət katibi Entoni Blinkenə açıq məktub imzalayıb və orada İsrailə hərbi tədarükün dayandırılmasını tələb ediblər.
Editor.az bildirir ki, bu barədə aprelin 6-da “The Guardian” məlumat yayıb. Keçmiş Nümayəndələr Palatasının spikeri və Co Baydenin əsas müttəfiqi Nensi Pelosi tərəfindən də imzalanmış məktubda deyilir: “Yardım işçilərinin son ölümləri və getdikcə pisləşən humanitar vəziyyət fonunda, biz əlavə silah transferlərini təsdiq etməyin əsaslı olduğuna inanmırıq” .
Məktubda konqresmenlər İsrailin hava hücumu nəticəsində Dünya Mərkəzi Mətbəxində (WCK) yardım işçilərinin ölümləri araşdırılana qədər və ya Təl-Əvivin “Qəzza zolağında mülki əhaliyə dəyən zərəri yetərincə azalda bilənə” qədər gələcək silah daşınmasının dayandırılmasını tələb edirlər.
//Samir Qurbanov, Editor.az