“Beşgünlük müharibə”nin başlanmasının ildönümündə Rusiya Təhlükəsizlik Şurasının sədr müavini Dmitri Medvedev Telegram kanalında Rusiyanın Gürcüstan-Cənubi Osetiya münaqişəsində iştirakı ilə Ukraynada hərbi əməliyyat arasında analogiya aparan yazı dərc edib.

Məhz 2008-ci ildə Rusiya prezidenti postunu tutan Dmitri Medvedev avqustun 8-də Cənubi Osetiya münaqişəsi zonasında sülhün bərqərar olunması üçün əməliyyata başladığını elan edib.

“Axmaq Saakaşvilinin (Gürcüstanın eks-prezidenti Mixail Saakaşvili) arxasında Rusiya sərhədlərinin bilavasitə yaxınlığında vəziyyəti qızışdırmağa çalışan kollektiv Qərb dayanırdı. Silahlı qüvvələrimiz Abxaziya və Cənubi Osetiyada yaşayan xalqımızı düşməndən qorudu”, – deyə o yazıb.

Medvedevin sözlərinə görə, 2008-ci ildə “ABŞ və onun vassallarında açıq şəkildə təcrübə yox idi”. Lakin indi, Rusiya Federasiyası Təhlükəsizlik Şurasının sədr müavini hesab edir ki, “onlar yenidən etibarnamə ilə cinayətkar müharibə aparır, Rusiyanı yer üzündən silməyə çalışırlar”. “Bütün NATO sistemi praktiki olaraq bizə qarşı açıq mübarizə aparır.

“Xüsusi hərbi əməliyyat”ın bütün tapşırıqlarını həll etmək üçün kifayət qədər qüvvəmiz var. 2008-ci ilin avqustunda olduğu kimi, düşmənlərimiz darmadağın ediləcək və Rusiya öz şərtləri ilə sülhə nail olacaq”, – o əlavə edib.
Xatırladaq ki, Mixail Saakaşvili 2004-2013-cü illərdə ardıcıl iki müddət Gürcüstan prezidenti olub. 2008-ci il avqustun 8-də o, separatçı Cənubi Osetiya ərazisinə qoşun yeritmək əmri verib.

Buna cavab olaraq Rusiya Gürcüstana qarşı beş gün davam edən hərbi əməliyyata başlayıb.

//Samir Qurbanov,Editor.az