Ukrayna Təhlükəsizlik Xidməti Rusiya Federasiyası Təhlükəsizlik Şurasının sədr müavini və bu ölkənin keçmiş prezidenti Dmitriy Medvedevi axtarışa verib.

Editor.az bildirir ki, bu barədə Ukrayna Daxili İşlər Nazirliyi məlumat yayıb. Məlumatda deyilir: “Ukrayna Dmitriy Medvedevi Cinayət Məcəlləsinin 110-cu maddəsinin 2-ci hissəsi (hakimiyyət nümayəndəsi olan şəxs tərəfindən Ukraynanın ərazi bütövlüyünə və toxunulmazlığına qəsd,) maddəsi ilə ittiham edir. Bu maddə əmlakı müsadirə edilməklə və ya edilmədən beş ildən on ilədək azadlıqdan məhrum etmə cəzasını nəzərdə tutur. Xatırladaq ki, bazar ertəsi Medvedev bildirib ki, Rusiya Ukraynanın mülki şəhərlərinə yeni kütləvi hücumlar hazırlayır

  //Samir,Editor.az