ABŞ prezidenti Donald Tramp Ağ Evin tətbiq etdiyi idxal tariflərini ləğv etmək müqabilində 70-dən çox ölkəni Çin iqtisadiyyatını təcrid etməyə razı salmağı planlaşdırır.

Tədbirlər Pekini Vaşinqtonla danışıqlar masası arxasına oturmağa məcbur etmək məqsədi daşıyır.

Editor.az xəbər verir ki, bu barədə “The Wall Street Journal” yazıb. Hökumət nümayəndələri ilə danışıqlarda ABŞ administrasiyası ölkələrdən Çindən malların öz ərazilərindən daşınmasını qadağan etməyi, Çin firmalarının yerləşdirilməsinin qarşısını almağı və ucuz Çin sənaye mallarını öz iqtisadiyyatlarına qəbul etməməyi xahiş etməyi planlaşdırır. Nəşrin mənbələrinə görə, Çin iqtisadiyyatında iştiraklarından asılı olaraq, müxtəlif ölkələr üçün dəqiq tələblər fərqli olacaq. Nəşrin məlumatına görə, ABŞ rəsmiləri bəzi ölkələrlə ilkin danışıqlarda bu ideyanı artıq gündəmə gətiriblər. Donald Trampın özü Panama kanalı ilə bağlı “Fox News” ilə söhbətində strategiyaya eyham vurub.

Daha sonra o, Panamanın Çinin “Bir Kəmər və Yol” təşəbbüsündəki rolunu bərpa etməmək qərarına dair suala cavab olaraq ölkələri “ABŞ və Çin arasında seçim etməyə” məcbur etməyi düşünəcəyini söyləyib.

//Samir Qurbanov, Editor.az