ABŞ prezidenti Donald Tramp əmindir ki, Çin hakimiyyəti ABŞ-la ticarət sazişi bağlamaq istəyir. Lakin o vaxta qədər Vaşinqton Çin məhsullarına 104% gömrük rüsumları tutmağa davam edəcək.

Trampın sözlərinə görə, Çin Amerika tariflərinin təsirini yumşaltmaq üçün valyuta ilə manipulyasiya edir. “Biz onlara kredit verməliyik. Bu gün onlar tarifləri əvəzləmək üçün öz valyutalarını manipulyasiya edirlər”, – deyə Tramp Milli Respublika Komitəsinin şam yeməyində deyib. Ağ ev rəhbəri iddia edir ki, Çin səlahiyyətliləri müqavilə bağlamaq istəyirlər, lakin “sadəcə buna necə başlayacaqlarını bilmirlər, çünki onlar qürurlu xalqdırlar”.

“Bir çox ölkələr bizdən qaçır, amma indi onları örtmək növbəsi bizdədir”, – Donald Tramp əlavə edib.

//Samir Qurbanov, Editor.az