ABŞ prezidenti Co Bayden və prezident seçkilərində qalib gələn respublikaçı Donald Tramp arasında görüş yaxın vaxtlarda baş tutacaq.

Respublikaçı kampaniyanın kommunikasiya direktoru Stiven Çanq qeyd edib ki, “seçilmiş prezident Ağ Evin hazırkı administrasiyası ilə görüşü səbirsizliklə gözləyir”. O, Amerika prezidentinin Donald Trampa çağırışını və hakimiyyətin “rəvan” keçidi məsələsini müzakirə etmək üçün Vaşinqtona dəvəti təsdiqləyib.

Bir gün əvvəl isə Co Bayden seçkidə qalib gələn cənab Trampa zəng edərək onu uğuruna görə təbrik edib və hakimiyyətin ötürülməsi məsələsini müzakirə etmək üçün Ağ Evə dəvət edib. Prezidentlik kampaniyası zamanı Trampın rəqibi olan ABŞ-ın vitse-prezidenti Kamala Harris də respublikaçını qələbə münasibətilə təbrik edib.

//Samir Qurbanov, Editor.az