Respublikaçıların prezidentliyə namizədi Donald Tramp bildirib ki, seçkidə qalib gələrsə, Milli Kosmik Qvardiya yaradacaq.

Keçmiş Amerika prezidentinin sözlərinə görə, onun 2019-cu ildə Kosmik Qüvvələri yaratmaq qərarı Rusiya və Çinin bu sahədə ABŞ-ı qabaqlamasına mane olub. “ABŞ Kosmik Qüvvələrinin əsas döyüş ehtiyatı kimi Milli Kosmik Qvardiyanı yaratmağın vaxtı çatıb.

Mən prezident olanda Kosmik Milli Qvardiyanı yaradan tarixi qanunu imzalayacağam”, – deyə Tramp Detroytda kampaniya mitinqində bildirib. Donald Tramp həmçinin silahlı qüvvələrin gücləndirilməsinə, PUA istehsalına, robot texnikasına, süni intellektin və hipersəs silahlarının inkişafına sərmayə qoyacağını vəd edib.

//Samir Qurbanov, Editor.az