ABŞ-ın yeni seçilmiş prezidenti Donald Tramp inauqurasiya mərasimi keçirilən kimi Ədliyyə Departamentinə zorakı cinayətlər törətmiş insanlar üçün ölüm hökmünün bərpası barədə göstəriş verəcək.

Editor.az bildirir ki, bu barədə “The Guardian” Trampın Ukraynada mövcud olmayan “Truth” sosial şəbəkəsindəki paylaşımına istinadən xəbər verir. Yeni seçilmiş prezident bu qərarı “Amerikalı ailələri və uşaqları zorlayıcılardan, qatillərdən və canavarlardan qorumaq” üçün verdiyini bildirib. “Yenidən qanun və asayiş dövləti olacağıq!” – Tramp əlavə edib.
Qeyd olunur ki, bu bəyanat ABŞ-ın hazırkı prezidenti Co Baydenin bu yaxınlarda 37 federal məhbusun cəzalarını yüngülləşdirməsinə cavab olaraq ortaya çıxıb. Onlara ölüm hökmü çıxarılsa da, Bayden bu cəzanı şərti azad etmədən ömürlük həbslə əvəz edib. Baydenin qərarı Ağ Evdəki sələfi və varisinin qəzəbli reaksiyasına səbəb olub. Qəzet yazır ki, ölüm cəzasının əleyhdarı olan Bayden yeni administrasiyaya edamları bərpa etməyə icazə verə bilməyəcəyini deyib.

//Samir Qurbanov, Editor.az