Donald Tramp və Putin arasında aparılan danışıqların nəticəsi heç də ABŞ prezidentini qane edəcək bir şey kimi görünmür.

Editor.az bildirir ki, hərbi müşahidəçi Denis Popoviç bu fikri Radio NV-nin efirində bildirib. “Kremlin bəyanatları ilk növbədə xronoloji olaraq gəir. İkincisi, onlar daha konkret idi. Danışıqlar başa çatdıqdan sonra Trampın danışıqların nəticələrindən razı qalmadığı aydın olur. Və bu, mətbuat konfransının olmamasından aydın görünür. Biz bilirik ki, Tramp jurnalistlərin yanına getməyi sevir. Amma bu dəfə belə bir ünsiyyət olmadı”, – Popoviç bildirib.

O, həmçinin qeyd edib ki, dünənki danışıqların daha az aşkar, lakin son dərəcə parlaq nəticəsi ABŞ və Rusiya arasında xokkey matçının keçirilməsinə dair razılaşma olub. “Buna gülə bilərsiniz, dünən çox qara yumor var idi. Amma idman Rusiya Federasiyasının çox diqqət yetirdiyi bir şeydir. Biz Dünya Kubokunu, Soçi Olimpiadasını xatırlayırıq. İndi də xokkey matçını. Gülə bilərsiniz, amma konkret razılaşmalar əldə olunarsa, bu o demək olacaq ki, ən azı bu sahədə Rusiya Federasiyası blokadanı sındırıb”, – Popoviç əlavə edib.

//Samir Qurbanov, Editor