Respublikaçılar Partiyasından prezidentliyə namizəd Donald Trampın BMT Baş Assambleyasına səfəri zamanı Ukrayna prezidenti Vladimir Zelenski ilə görüşmək planı yoxdur.

Editor.az bildirir ki, bu barədə Associated Press (AP) məlumat yayıb. Respublikaçıların seçki qərargahının nümayəndəsinin agentliyə verdiyi məlumata görə, xanım Tramp və Zelenski arasında görüş planlaşdırılmayıb. Əvvəllər Ukrayna rəsmiləri belə bir görüşün ölkə prezidentinin cədvəlində olduğunu iddia edirdilər. “Reuters” onu da yazıb ki, ABŞ-ın keçmiş prezidentinə yaxın mənbənin sözlərinə görə, hər iki tərəf görüşmək arzusunu ifadə edib, lakin heç vaxt konkret tarix təyin olunmayıb.

Vladimir Zelenski ABŞ-a səfərini açıqlayarkən demişdi ki, “qələbə planını” ölkənin hazırkı prezidenti Co Bayden, Demokratlar Partiyasından prezidentliyə namizəd Kamala Harris və Donald Trampa təqdim etmək niyyətindədir. Ağ Evin keçmiş rəhbəri də öz növbəsində bu çərşənbə, sentyabrın 25-də Ukrayna prezidenti ilə görüşmək imkanına icazə vermişdi. Bununla yanaşı, Respublikaçılar Partiyasından prezidentliyə namizəd Vladimir Zelenskini “tarixin ən böyük treyderi” adlandırıb. Eyni zamanda, o, belə bir fikir bildirib ki, Ukrayna prezidenti demokratların qalib gəlməsini istəyir, çünki, onlardan pul almağa davam etmək istəyir. Tramp həmçinin söz verib ki, Amerika prezident seçkilərində qalib gələrsə, Birləşmiş Ştatları Ukraynadan “çəkəcək”.

//Samir Qurbanov, Editor.az