Donald Trampa sui-qəsd cəhdində şübhəli bilinən Rayan Uesli Rayt “Ukrayna müharibəsi, hansı ki qalib gəlmək olmaz” kitabında İranı ABŞ-ın keçmiş prezidentini öldürməyə çağırıb.

Editor.az bildirir ki, bu barədə AP məlumat yayıb. Qeyd olunur ki, kitabda Tramp “axmaq” və “səy” kimi xarakterizə edilir. Eyni zamanda müəllif etiraf edib ki, o, bir vaxtlar Trampa səs verib və “bu beyinsiz uşağın” günahının bir hissəsini öz üzərinə götürüb. “İnsanların məndən demokrat yoxsa respublikaçı olduğumu soruşmasından çox yorulmuşam, çünki onları təsnif etməkdən imtina edirəm.

Dünyaya qadınlar rəhbərlik etsəydi, daha yaxşı olardı, – Rayt yazıb.

Xatırladaq ki, 58 yaşlı Rayt bazar günü Respublikaçılar Partiyasından prezidentliyə namizədi Florida ştatının West Palm Beach şəhərində qolf oynayarkən AK-47 tipli hücum tüfəngi ilə onu vurmağa cəhd edib və həbs olunub.

//Samir Qurbanov, Editor.az