Ukraynanın dövlət başçısı Vladimir Zelenski sentyabrın 27-də Nyu-Yorkda ABŞ prezidentliyinə namizəd Donald Trampla görüşü zamanı Rusiyanın Ukraynaya qarşı genişmiqyaslı təcavüzünün dayandırılması ilə bağlı ortaq fikrə malik olduqlarını bildirib.

Zelenski qeyd edib ki, o, Trampla ona “qələbə planı”nı təqdim etmək üçün görüşüb. “Hazırda Ukraynada, ABŞ-da bir çox çağırışlar var. Əlbəttə, mən sizinlə birlikdə harada olduğumuzu müzakirə etmək istəyirəm. Düşünürəm ki, bizdə ümumi fikir var ki, Ukraynada müharibə bitməlidir və Putin qalib gəlməməlidir.

Mən sizinlə planımızın təfərrüatlarını müzakirə etmək istəyirəm”, – deyə Zelenski görüşün əvvəlində Trampa bildirib. Ukrayna prezidentinin sözlərinə görə, o, Trampla görüşmək qərarına gəlib, çünki “Ukraynanın gücləndirilməsi ilə bağlı bütün planları, bütün addımları bölüşmək çox vacibdir”. Zelenski qeyd edib ki, bunu indi, noyabrda ABŞ-da keçiriləcək prezident seçkilərinə qədər həll etmək lazımdır, lakin ona qədər “Putini dayandıra bilməyəcəyik”. “Biz bunu etməliyik. Bunu qəhrəman əsgərlərimizlə döyüş meydanında etməyə çalışacağıq. Başa düşürük ki, noyabrdan sonra qərar verməli olacağıq. Və ümid edirik ki, ABŞ-ın gücü sarsılmaz olacaq və biz buna ümid edirik. Buna görə də hər iki namizədlə görüşmək qərarına gəldim”, – deyə Ukrayna prezidenti bildirib.

//Samir Qurbanov, Editor.az