Türkiyə ilə Almaniya dönərin resepti üzərində mübahisə edir. 19 sentyabrda Avropa Komissiyası tərəflərə uzlaşma üçün 6 ay vaxt verib.

Editor.az bildirir ki, bu barədə “The Economist” yazıb. İki il əvvəl Türkiyə Avropa İttifaqından şaquli mil üzərində qovrulmuş ədviyyatlı ətdən hazırlanan dönərin “zəmanətli ənənəvi qida” (TSG) kimi qorunmasını tələb etmişdi.

Türkiyə hesab edir ki, dönər türk spesifikasiyasına, o cümlədən ətin növünə (mal, toyuq və quzu ğun gəlir, dana və hinduşka əti isə yox), necə marinadlandığı və kəsildiyi kimi hazırlanmalıdır. Türkiyə Aİ-nin üzvü deyil, lakin bu sxem üzrə müraciət edə bilər.

Almaniya Türkiyənin təklifinə etiraz edib. Nəşr yazır ki, almanların yediyi dönərlər türklərdən nəzərəçarpacaq dərəcədə fərqlənir. 1970-ci illərdə Türkiyədən gələn mühacirlər tərəfindən təqdim edilən və zərifləşdirilən və sonra Avropanın başqa yerlərində qəbul edilən alman variasiyası adətən pide çörəyinə bükülür, üstünə kələm və ya kahı qoyulur və souslarla doldurulur. Türkiyədə dönər adətən düyü yatağında verilir və ya kartof qızartması, pomidor və acı bibərlə birlikdə pide çörəyinə bükülür. Bəzən İstanbulda yeməyə emal olunmuş pendir əlavə edirlər, amma heç vaxt sarımsaq sousundan istifadə etmirlər.

Avropada dönər satışı ildə təxminən 3,5 milyard avro təşkil edir ki, bunun da 2,3 milyard avrosu Almaniyadadır. Əgər ölkələr güzəştə getməsə, dönərin TSG statusunu Avropa Komissiyası özü müəyyən edəcək.

//Samir Qurbanov, Editor.az