İspaniya polisi narkotik vasitələrin qanunsuz dövriyyəsində, cinayətkar dəstədə iştirakda və sənədləri saxtalaşdırmaqda ittiham olunan Avropada ən çox axtarılan cinayətkarlardan birini Madriddə saxlayıb.

“La Vanguardia” nəşri yazır ki, söhbət 59 yaşlı alban Haredin Fayzulladan gedir. 2014-cü ildən 2018-ci ilə qədər Haredin Feyzullah narkotik vasitələrin istehsalı və satışı ilə məşğul olan cinayətkar təşkilata rəhbərlik edib. O, 13 ittiham üzrə 29 ildən çox müddətə azadlıqdan məhrum edilib. Qaçaq ailə üzvləri və ona yaxın adamlarla birlikdə Alban-Kosovo cinayət təşkilatına rəhbərlik edib və üç Avropa həbs orderinə malik olub.

Edito.az bildirir ki, bu barədə İspaniya Milli Polisinin saytında yerləşdirilən bəyanatda deyilir. İspaniya polisi Belçika hökumət rəsmiləri ilə birlikdə 2023-cü ilin yanvarında Haredin Faizullahın axtarışına başlayıb. Cinayətkarın mütəmadi olaraq yaşayış yerini, avtomobillərini və mobil telefonlarını dəyişməsi hüquq-mühafizə orqanlarının əməkdaşlarının işini çətinləşdirib. Feyzullah nəhayət, sentyabrın 12-də saxlanılıb. Araşdırma zamanı hüquq-mühafizə orqanlarının əməkdaşları narkotik yetişdirilən 13 plantasiyanı ləğv ediblər. Fayzullah qanunsuz fəaliyyətdən 4 milyon dollardan çox gəlir əldə edib.

//Samir Qurbanov, Editor.az