Türkiyənin Müdafiə Sənayesi daha bir möhtəşəm uğura imza atıb.

Bununla bağlı ilk müjdəni ölkənin Müdafiə Sənayesi naziri İsmayıl Dəmir verib.

O bildirib ki, düşmənin strateji rabitə sistemlərini deaktiv edən, döyüş meydanında önəmli üstünlük qazandıran yeni nəsil rabitə elektron hücum sistemi olan “Sancak” Türkiyə Silahlı Qüvvələrinə təhvil verilib.

Nazir qeyd edib ki, “Sancak” yüksək hərəkət qabiliyyəti, genişzolaqlı yüksək çıxış gücü, fərqli növlərdə və rejimlərdə qarışdırmaq-aldatmaq funksiyası, genişzolaqlı elektron dəstək, avtomatik əlaqə qurma və demodulasiya kimi qabiliyyətlərlə elektron müharibə sahəsində TSK-ya yeni imkanlar qazandıracaq.