Prezident Rəcəb Tayyib Ərdoğanın Rusiya Prezidenti Vladimir Putinlə dünən baş tutan telefon danışığı iki lider arasında 6-7 gün əvvəlki telefon zənginin davamı idi. Dövlət başçıları İstanbulda imzalanmış və 6 milyon tona yaxın Ukrayna taxılının dünyanın müxtəlif bölgələrinə daşınmasına imkan verən taxıl sazişinin müddətinin uzadılmasını müzakirə etdi.

Bu sözləri Türkiyə Prezident Administrasiyasının İctimaiyyətlə Əlaqələr İdarəsinin rəhbəri İbrahim Kalın CNN telekanalına müsahibəsində deyib.

“Biz də bu müqavilənin uzadılmasını istəyirik. Ukrayna tərəfi ilə danışdıq, onlar buna müsbət yanaşırlar. Biz ruslarla da danışırıq. Onların öz məhsullarını, ammonyak və gübrələri daşımaqla bağlı bəzi narahatlıqları var. Onların BMT ilə razılığı var, ona görə də bəzi detalları həll etməyə çalışırlar”, – Kalın qeyd edib.

Teleqraf