Suriya, Səudiyyə Ərəbistanı, Misir, İordaniya və İraqın xarici işlər nazirləri Suriya böhranına son qoymağın və orada qeyri-qanuni mövcud olan bütün xarici qüvvələrin çıxarılmasının vacibliyini bəyan ediblər.
Editor.az bildirir ki, bu barədə “Al Hadath” televiziyası məlumat yayıb. Danışıqlar mayın 1-də Əmmanda keçirilib. “Siyasi həll Suriyanın suverenliyini qorumalı, xalqının istəklərini təmin etməli və onu terrordan xilas etməlidir… Siyasi həll Suriyada qeyri-qanuni mövcud olan bütün xarici qüvvələrin çıxarılmasına gətirib çıxarmalıdır.
Suriyaya və onun qurumlarına ərazilər üzərində nəzarəti genişləndirmək və onun işlərinə xarici müdaxiləni dayandırmaq səylərində dəstək vermək lazımdır”, – iclas iştirakçılarının birgə bəyanatında deyilir. Diplomatlar yaxın vaxtlarda Suriya məsələsi üzrə geçiriləcək danışıqların cədvəlini təsdiqləmək niyyətindədirlər. Açıqlamaya görə, iəsas prioritet Suriyalı qaçqınların könüllü şəkildə ölkəyə qayıtması olaraq qalır.
“Əl Hadath” qeyd edir ki, ərəb dövlətləri ilə danışıqlar 2011-ci ildə Suriyanın Ərəb Liqasına üzvlüyünün dayandırılması qərarından sonra Suriya rəhbərliyi üçün ilk danışıqlar olub. Onun iştirakçılarından biri, İordaniyanın xarici işlər naziri Ayman Safadi Suriyanın Ərəb Dövlətləri Liqasına qaytarılması ilə bağlı qərarın milli səviyyədə qəbul edildiyini və bundan sonra təşkilat tərəfindən “mexanizmlərə uyğun olaraq” təsdiqlənəcəyini vurğulayıb.
//Samir Qurbanov,Editor.az