Türkiyənin Ulusal Kanal Televiziyasında yayımlanan “Azərbaycan Gündəmi” proqramında ötən həftə bir qrup ərəb turistin Qax rayonunda qanunsuz ov etməsi və Qırmızı Kitaba düşmüş nadir növ heyvanları vəhşicəsinə öldürməsi barədə geniş danışılıb. Qax rayonu sakinlərinin digər problemlərinə diqqət çəkəən müəllif yerli icra hakimiyyəti orqanlarının və deputatın qaxlılara etinasız münasibəti, o cümlədən Qaxda kəskin etiraza səbəb olan özbaşınalıqlar barədə geniş danışıb.
