Sabah Ermənistanda konstitusiya komissiyasının ilk iclası keçiriləcək.

Editor.az xəbər verir ki, bu barədə respublikanın Ədliyyə Nazirliyinin rəhbəri Qriqor Minasyan bildirib. Onun sözlərinə görə, Konstitusiya İslahatları Şurasının nümayəndəsi Daniel İoannisyanın təşəbbüsü gündəmdə olacaq və ölkənin əsas qanununun sabit çoxluqla bağlı hissəsinə dəyişiklik edilməsini təklif edəcək.

Ədliyyə Nazirliyinin rəhbəri onu da bildirib ki, iclas iştirakçıları referendum keçirilmədən dəyişdirilə bilən müəyyən maddələri müzakirə edəcəklər. Nazir aydınlaşdırıb ki, referenduma qədər əlavə və ya yeni Konstitusiya layihəsinin hazırlanması və bunun diqqətlə, ictimaiyyətin iştirakı və peşəkar ictimaiyyətlə dialoq əsasında aparılması üçün kifayət qədər vaxt olacaq. “Deyə bilərik ki, sabah yeni Konstitusiyanın və yeri gəlmişkən, yeni ideyaların müzakirəsinə yeni start veriləcək”, – nazir qeyd edib.

Yada salaq ki, Bakı Ermənistan Respublikasının Konstitusiyasında Azərbaycana qarşı ərazi iddiaları olduğu müddətcə Ermənistanla sülh müqaviləsinin imzalanması mümkün deyil.

//Samir Qurbanov, Editor.az