Aprelin 17-də Ermənistanın xarici işlər naziri Ararat Mirzoyan Səudiyyə Ərəbistanına gedəcək.
Editor.az xəbər verir ki, bu barədə respublikanın xarici siyasət idarəsindən məlumat verilib.
Bu, 2023-cü ilin noyabrında ölkələr arasında diplomatik əlaqələr qurduqdan sonra yüksək səviyyəli erməni nümayəndəsinin krallığa ilk səfəri olacaq. Aprelin 18-də başa çatacaq səfər zamanı erməni nazir Səudiyyə Ərəbistanının nümayəndələri, o cümlədən krallığın xarici işlər naziri Faysal Ben Farhan Al Saud ilə bir sıra görüşlər keçirəcək.
//Samir Qurbanov, Editor.az