Bu kişi əsl yaşını biləndə görünüşü ilə hər kəsi təəccübləndirir.

Esseksli Tristan Li diqqətçəkən gənc görünüşü sayəsində yerli məşhura çevrilib. Yaşından 20-30 yaş kiçik görünən kişidən lotereya biletləri alarkən və hətta aptekdən dərman alarkən şəxsiyyətini təsdiqləməsi xahiş olunur.

Sağlam həyat tərzi üzrə məşqçi kimi çalışan 53 yaşlı britaniyalı uzunömürlülüyün və gəncliyin sirlərini açıqlayıb. Onun yanaşmasının əsası bir neçə əsas səbəbləri özündə birləşdirən vahid özünə qulluqdur. O, yüksək proteinli vegan pəhrizinə riayət edir və işlənmiş qidaları tamamilə xaric edir. Kişi həftədə iki gün şəxsi məşqçi ilə məşq edir və formada qalmaq üçün pilateslə məşğul olur.

Tristan dəri baxımına xüsusi diqqət yetirir. O, həmişə günəşdən qoruyucu kremlərdən istifadə edir və üzünü ultrabənövşəyi şüaların zərərli təsirlərindən qorumaq üçün heç vaxt geniş kənarlı papaq taxmadan çölə çıxmır. Kişi botoks iynəsi vurduğunu etiraf etsə də, əsas rolun təbii qayğı və sağlam həyat tərzində olduğuna inanır.

Lakin Li deyir ki, gəncliyinin ən vacib sirri müsbət psixi münasibətdir.

“Mən şüurlu şəkildə sızlamaqdan və şikayət etməkdən çəkinirəm, bu mənim yaşımda olan bir çox insana xasdır. Sarkazm və qəddarlıq dərhal sifətdə əks olunur, ona görə də səmimiyyət və nikbinliyi seçirəm”,- o deyə izah edib.

Tristanın qeyri-adi görünüşü çox vaxt gülməli vəziyyətlərə gətirib çıxarır. Aptekdə atasından dərman qəbul edib-etmədiyini soruşurlar, xəstəxanada isə onun özünü başqası kimi göstərməsindən şübhələnirlər və sənəd istəyirlər. Dostları zarafatla ondan gənclik iksirini içib-içmədiyini soruşurlar.

“Gənclik, ilk növbədə, enerji və həyata münasibətdir. Əgər siz sevinc və hərarət saçırsınızsa, bu, istər-istəməz sizin xarici görünüşünüzdə özünü büruzə verəcək”, – Li yekunlaşdırıb.

//Gülnarə Abasova, Editor.az