Finlandiya hakimiyyəti qaçqınların nəzarətsiz axını səbəbindən Rusiya ilə sərhəddəki keçid məntəqələrini bağlamağa hazırlaşır.

Editor.az “Yle”yə istinadən xəbər verir ki, bu barədə ölkənin Daxili İşlər Nazirliyinin rəhbəri Mari Rantanen bildirib. “Daxili İşlər Nazirliyi sərhəd-keçid məntəqələrinin bağlanması və ya işinin məhdudlaşdırılması ilə bağlı təklif hazırlayır. Mövcud qanunvericilik buna imkan verir”, – Rantanen bildirib. Onun sözlərinə görə, bu, “ictimai qaydaya, milli təhlükəsizliyə və ya ictimai sağlamlığa ciddi təhlükə ilə mübarizə aparmağa” imkan verəcək.

Bu cür narahatlıqlar Finlandiyanın cənub-şərq sərhədindən keçidlərin əhəmiyyətli dərəcədə artması ilə əlaqələndirilir və insanlar sərhədə sənədsiz gələndə çox vaxt qeyri-qanuni miqrasiyaya aid edilir. Bunlar əsasən Rusiyadan sərhədi keçməyə cəhd edən Somali, Yəmən, Suriya və digər ölkələrdən olan qaçqınlardır. Finlandiya hakimiyyəti hesab edir ki, bu, Rusiyanın planlı kampaniyası ola bilər. Qeyd olunur ki, Rusiya sərhədçiləri sənədləri olmayan şəxslərin buraxılış məntəqələri vasitəsilə Finlandiyaya daxil olmasına icazə verirlər, baxmayaraq ki, bunu etməməlidirlər, hətta sığınacaq axtaranların sərhədə çatmasına köməklik edirlər.

//Samir Qurbanov, Editor.az