Finlandiyanın xarici işlər naziri Elina Valtonen bildirib ki, Ukraynanın Rusiya ilə mümkün danışıqlarda ərazilərinin bir hissəsindən imtina etməsi münaqişənin əsas problemini aradan qaldırmayacaq.

Editor.az xəbər verir ki, o bu fikri Almaniya Xarici İşlər Nazirliyinin təşkil etdiyi Berlindəki Səfirlər Konfransında səsləndirib.

Nazirin sözlərinə görə, ötən həftəsonu Rusiya Ukraynaya qarşı müharibə başlayandan bəri ən iri hava hücumunu həyata keçirib. Valtonen vurğulayıb ki, Moskva nə atəşkəsə, nə də real danışıqlara hazırdır.

“Ərazilərin və ya onların suverenliyinin güzəştə gedilməsi sülh gətirməyəcək. Bu, əsas məsələni — Rusiyanın təcavüzünü — həll etmir”, — deyə Finlandiyanın XİN rəhbəri qeyd edib.