Finlandiyanın Vantaa şəhərində 800 şagird və 90 əməkdaşın təhsil aldığı məktəbə naməlum şəxs tərəfindən silahlı basqın edilib. Hücumda ən azı 3 uşağın yaralandığı bildirilərkən, polis şübhəlinin həbs olunduğunu açıqlayıb.
Editor.az ölkə mətbuatına istinadla xəbər verir ki, rəsmilər təcavüzkarın ortağı olub-olmaması və yaralananlar barədə məlumat toplamağa çalışır.
“Polis hadisə yerində araşdırma aparır. Ətrafdakılardan xahiş edirik ki, ərazidən uzaqlaşıb evlərində qalsınlar. Qapılar yad adamlara açılmamalıdır”,- polisdən verilən açıqlamada bildirilib. Hücumu törətməkdə şübhəli bilinən şəxsin tutularaq saxlanıldığı bildirilib.
//Gülnarə Abasova, Editor.az