Finlandiyanın Kotka şəhərinin hakimiyyəti sərkərdə Aleksandr Suvorovun qərargahı olan Kymeneqorod qalasını Senat Properties dövlət şirkətindən 1 avroya alıb.

18-ci əsrin sonlarına aid bina ictimai yerlər, kafelər və muzeylər üçün uyğunlaşdırılır. Bu barədə “Yle” teleradio şirkəti məlumat yayıb.
Finlandiya Maliyyə Nazirliyi qalanın tam yenidən qurulmasının dəyərini 18 milyon avro dəyərində qiymətləndirir. Satışdan əvvəl Senat Properties onun saxlanmasına ildə təxminən 200.000 avro xərcləyib. Qalanın ərazisində 20-yə yaxın tikili var; obyektin ümumi sahəsi 50 hektara yaxındır. Kotka şəhərsalma direktoru Markku Hannonen izah edib ki, ərazi əvvəlcə bələdçili turlar üçün açılacaq, daha sonra saytda pulsuz gəzinti üçün işarələr və cığırlar quraşdırılacaq.

Kymeneqorod qalası 18-19-cu əsrlərin sonlarında o vaxtkı Rusiya-İsveç sərhədində tikilib. O zaman qala komandir Aleksandr Suvorovun qərargahı kimi xidmət göstərib. Kyumeneqorod yaxınlığında yaranan qəsəbə imperator II Aleksandrın fərmanı ilə şəhər statusu alıb və Kotka adlandırılıb. Rus qoşunları 1917-ci ilə qədər qalada yerləşib. 1939-cu ildən 2005-ci ilə qədər qalada fin hərbi hissələri olub. Bundan sonra Kymeneqorod bağlanıb. İçəridə zabitlərin evləri və bir neçə kazarma var.

//Samir Qurbanov, Editor.az