İspaniyanın “Barselona” klubunun yarımmüdafiçisi Franki de Yonqun İngiltərənin “Mançester Yunayted” klubuna transfer olacağı ilə bağlı xəbərlər yayılıb. Editor.az “sporx” a istinadən xəbər verir ki, hollandiyalı futbolçu barəsində gedən şayələrlə bağlı açıqlama verib.
“Başqa klublardan təkliflərin gəlməsi mənim üçün qürurvericidir. Ancaq hal-hazırda dünyanın ən yaxşı klubunda forma geyinirəm. “Barselona”da özümü çox yaxşı hiss edirəm. Burada mən xoşbəxtəm. Yayılan xəbərlər barədə heç bir məlumatım yoxdur”,-deyə hollandiyalı futbolçu bildirib.
Xatırladaq ki, 25 yaşlı oyunçuya bundan əvvəl “Mançester Yunayted” tərəfindən transfer təklifi olmuşdu.
Qeyd edək ki, Franki de Yonq bu mövsüm “Barselona” forması ilə 46 oyunda 4 qola 5 məhsuldar ötürməyə imza atıb.
//Nəzərbəy Hacıağayev, Editor.az