Türkiyənin “Fənərbaxça” klubunun maraqlandığı Vilyam Karvalyoya yeni elçi düşüb.

Editor.az “sporx” a istinadən xəbər verir ki, bu dəfə Karvalyo ilə “Fulham” maraqlanır.

“Fənərbaxça” və “Fulham”la paralel olaraq 30 yaşlı oyunçu ilə aşağı yaş qruplarında oynadığı Portuqaliyanın “Sportinq” klubu da maraqlanır.

Qeyd edək ki, bu mövsüm İspaniyanın “Real Betis” klubunda çıxış edən Karvalyo 49 oyunda 4 qola, 5 məhsuldar ötürməyə imza atıb. Futbolçunun İspaniya klubu ilə müqaviləsi gələn il sona çatır.

//Nəzərbəy Hacıağayev, Editor.az