Danimarkanın Arhus şəhərində fəaliyyət göstərən Azərbaycan Mədəniyyət Ocağının sədri Kərim Urmulu uzunsürən xəstəlikdən vəfat edib.
Editor.az xəbər verir ki, bu barədə diaspor üzrə ekspert Elnur Eltürk məlumat verib.
O, Kərim Urmulunun 1986-ci ildən fəaliyyət göstərən Azərbaycan Mədəniyyət Ocağına rəhbərlik etdiyini bildirib. Danimarkada Azərbaycan diasporunun təşkilatlanmasında, soydaşlarımızın birliyinin yaranmasında, Ermənistanın təcavüzkar siyasətinin çatdırımasında əvəzsiz xidmətlər göstərib.
Qeyd edək ki, Kərim Urmulu əslən Güney Azərbaycandandır. 2006-ci ildə Dünya Azərbaycanlılarının Əlaqələndirmə Şurasının üzvü olub.