Oktyabrda keçiriləcək parlament seçkiləri “Vahid Milli Hərəkat” üçün Nürnberq məhkəməsinə çevriləcək.

Editor.az bildirir ki, bu sözləri “Gürcü Arzusu”nun yaradıcısı və iş adamı Bidzina İvanişvili deyib. “Oktyabrın 26-da keçiriləcək seçkilər “Vahid Milli Hərəkat”ın Nürnberq məhkəməsinə çevrilməlidir, burada gürcü xalqının konstitusion əksəriyyəti vətəni olmayan siyasətçilərin, istənilən anti-dövlətə imza atmağa hazır olan xarici agentlərin bu birliyinə müvafiq hökm çıxaracaq”, – Bidzina İvanişvili deyib.

Bu məqsədə çatmaq üçün indi hakimiyyətdə olan “Gürcü Arzusu”na nəinki seçkilərdə qalib gəlmək, hətta parlamentdə çoxluğu, yəni mandatların 3/4-nü əldə etmək lazımdır. “Gürcü arzusunun vəzifəsi konstitusiya çoxluğuna bərabər qələbə qazanmaqdır ki, bu da Gürcüstanın təkcə qısamüddətli deyil, həm də uzunmüddətli milli məqsədlərini uğurla həll edəcək”, – İvanişvili qeyd edib.

Bundan əvvəl “Gürcü Arzusu” oktyabr seçkilərindən sonra UNM və onun keçmiş üzvlərinin partiyalarının konstitusiyaya zidd birlik hesab ediləcəyini bildirmişdi. Hakimiyyətdə olan partiyanın fikrincə, bundan sonra ölkənin siyasi sistemi təkmilləşəcək.

//Samir Qurbanov, Editor.az