Gürcüstan hökuməti Rusiyaya qarşı tətbiq edilən sanksiyalara münasibətdə milli maraqları rəhbər tutacaq.

Gürcüstanın Baş naziri İrakli Qaribaşvili hökumətin iclasında belə deyib.

Baş nazir bildirib ki, indiki vəziyyətdə istənilən emosional, planlaşdırılmamış addım, eləcə də hesablanmamış söz çox risklidir və hökumət həm daxili, həm də xarici siyasətə cavabdehdir.

“Mən öz nitqimdə qeyd etdim ki, baş nazir olaraq xalqımın və ölkəmin milli maraqlarına zidd olan heç nə etməyəcəyəm. Mən müxalifətin spekulyativ narativinin nə olmasından asılı olmayaraq yalnız ölkənin milli maraqlarını rəhbər tutacam”, – deyə Qaribaşvili qeyd edib.

//APA

İrakli Qaribaşvili Gürcüstan müxalifətini insanların həssas hissləri ilə oynamaqda ittiham edib.

Qeyd edək ki, Baş nazir İrakli Qaribaşvili bir müddət öncə açıqlamasında da qeyd edib ki, Gürcüstan milli maraqlarını rəhbər tutaraq Rusiyaya tətbiq ediləcək sanksiyalara qoşulmayacaq.