Konqo Demokratik Respublikasında Kinşasadakı Makala həbsxanasından qaçmağa cəhd zamanı azı 129 nəfər ölüb, 59 nəfər yaralanıb.

Editor.az xəbər verir ki, bu barədə ölkənin daxili işlər və təhlükəsizlik üzrə baş nazirinin müavini Jakmin Şabani bildirib. Onun sözlərinə görə, sentyabrın 2-nə keçən gecə baş verən iğtişaşlar fonunda həbsxanada yanğınlar başlayıb, nəticədə bir neçə inzibati obyekt və ərzaq anbarları dağıdılıb. İlkin məlumatlara görə, 129 nəfər, o cümlədən 24 nəfər xəbərdarlıqdan sonra aldığı güllə yaralarından, qalanları isə əzilmə və ya boğulma nəticəsində dünyasını dəyişib. Bundan əlavə, hökumətin himayəsində olan 59 qurban və bir neçə qadın zorlama faktı da var”, – deyə o, X sosial şəbəkəsində yazıb.

“Actualite” portalının məlumatına görə, Makala həbsxanası 1,5 min məhbus üçün nəzərdə tutulub, lakin orada bir neçə mindən çox insan saxlanılır. Portal qeyd edir ki, belə sıxlıq Konqo Respublikasının paytaxtı Kinşasa əhalisinin 2012-ci ildəki 9 milyon nəfərdən 2021-ci ildə təxminən 15 milyon nəfərə qədər artması ilə bağlıdır.

//Samir Qurbanov, Editor.az