Spirtli içki qəbul edərkən hansı içki birləşmələrinin sağlamlığınıza zərər verə biləcəyini nəzərə almalısınız.

Editor.az xəbər verir ki, bu barədə qastroenteroloq Olqa Mayorova müsahibəsində deyib. Mayorova ilk növbədə soda və spirti xüsusilə zərərli birləşmələr kimi təsnif edib. O, izah edib ki, qazlı içkilər spirtin qana sorulmasını sürətləndirir və bu da daha tez zəhərlənməyə səbəb olur. Həkim əlavə edib ki, belə kokteyllər orqanizmin susuzluğunu artırır. Mütəxəssis həmçinin müxtəlif növ spirtli içkilərin qarışdırılmasını tövsiyə etməyib. Mayorova qeyd edib ki, güclü spirtli içkilərin pivə və ya şərabla birləşməsi ciddi alkoqol zəhərlənməsinə səbəb ola bilər.

Bundan əlavə, alkoqoldakı müxtəlif şəkərlər və süni tatlandırıcılar daha şiddətli asma simptomlarına səbəb ola bilər. “Alkoqolun enerji içkiləri ilə birləşməsi onların tərkibindəki kofein və şəkər səbəbindən intoksikasiya əlamətlərini maskalaya bilər. Bu, alkoqoldan zəhərlənmə riskini xeyli artırır, çünki insan daha çox içə bilər”, – Mayorova bildirib. Həkim gün ərzində bir növ spirtli içki qəbul etməyi və qarışdırmaqdan çəkinməyi tövsiyə edib.

//Gülnarə Abasova, Editor.az