Xankəndi şəhəri ətrafından Azərbaycan Respublikasının mülki insanlarına və yaşayış məntəqlərinə hücumlar həyata keçirilən bazalar sıradan çıxarılıb.

Bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev bu gün keçirilən brifinqdə deyib.

O əlavə edib ki, xüsusilə Xankəndi şəhəri yaxınlığında bir neçə artilleriya briqadalarının hərbi hissələri var idi ki, bu hücumlar oradan həyata keçirilirdi:

“Dəqiq atəş zərbələri ilə mülki insanlara xələl yetirməmək məqsədilə bu hərbi bazalar sıradan çıxarılıb. Düşmənə adekvat cavabların verilməsi bundan sonra da davam etdiriləcək”.