Hindistan bu ölkənin blokda dominant olduğu bir vaxtda Ukraynaya müdaxilə ilə əlaqədar G20-nin Rusiyaya qarşı əlavə sanksiyaları müzakirə etməsini istəmir.

Editor.az bildirir ki, bu barədə “Reuters” məlumat verib. Agentliyin Hindistanın 6 yüksək vəzifəli rəsmisinə istinadən verdiyi məlumata görə, bu, müzakirələrə və hətta münaqişəyə səbəb olub. Yaponiyanın maliyyə naziri bir gün əvvəl bildirib ki, Hindistanda keçiriləcək G20 toplantısı çərçivəsində G7 ölkələrinin maliyyə liderləri Rusiyaya qarşı tədbirləri müzakirə etmək üçün fevralın 23-də, işğalın birinci ildönümü ərəfəsində görüşəcəklər. G20-nin maliyyə nazirləri və mərkəzi bank rəhbərlərinin qarşıdan gələn görüşündə birbaşa iştirak edən rəsmilər münaqişənin iqtisadi təsirinin müzakirə ediləcəyini bildiriblər.

Lakin Hindistan Rusiyaya qarşı əlavə tədbirləri nəzərdən keçirmək istəmir: “Hindistan G20-nin iclasları zamanı Rusiyaya qarşı hər hansı əlavə sanksiyaları müzakirə etməkdə və ya dəstəkləməkdə maraqlı deyil. Rusiyaya qarşı mövcud sanksiyalar dünyaya mənfi təsir göstərib”, – rəsmilərdən biri deyib. Başqa bir məmur deyib ki, sanksiyalar G20 üçün problem deyil, çünki “bu, inkişafı müzakirə etmək üçün iqtisadi forumdur”. Bundan əlavə, G20 kommünikesinin hazırlanması ilə bağlı problemlər yaranır, xüsusilə, Hindistan kimi bəzi dövlətlər Rusiyanın işğalını “böhran” və ya “çağırış” adlandırdıqları üçün Ukraynadakı müharibəni təsvir etməyə söz tapa bilmirlər.

  //Samir Qurbanov, Editor.az