Hindistanda havanın temperaturu 48 dərəcəyə çatıb: istilər səbəbindən 16 nəfər ölübbackend

Hindistanda havanın temperaturu 48 dərəcəyə çatıb: istilər səbəbindən 16 nəfər ölüb

  • whatsapp
  • messenger
  • telegram
  • vkontakte
  • odnoklassniki

Hindistanda yüksək temperaturla bağlı səbəblərdən 16 nəfər ölüb.

Editor.az xəbər verir ki, Hindistanın NDTV xəbər saytı ölkənin ən sıx məskunlaşdığı əyalətlərindən biri olan Biharın Aurangabad şəhərində hava istiliyinin 48 dərəcəyə çatdığını, həddindən artıq istilər səbəbindən 2 saat ərzində 16 nəfərin həyatını itirdiyini bildirib. Şəhər xəstəxanasının həkimi bildirib ki, xəstəxanaya yüksək hərarətlə bağlı şikayətlə azı 35 nəfər müraciət edib.

Bihar ölkədə davam edən isti dalğasından ən çox təsirlənən əyalətlərdən biri olsa da məktəblərin və təhsil mərkəzlərinin iyunun 8-dək bağlı qalacağı bildirilib. Digər tərəfdən, NDTV dövlət sərhədləri daxilində bir məktəbdə 16 şagirdin isti hava səbəbindən huşunu itirdiyini bildirib.

Hindistan Meteorologiya İdarəsi yaxın 2 gün ərzində ştatda şiddətli isti dalğası ilə bağlı xəbərdarlıq edib. Hindistanın paytaxtı Yeni Dehlidə həddindən artıq istilər səbəbindən bir nəfər ölüb və bütün zamanların ən yüksək temperaturu 52,9 dərəcə ilə qeydə alınıb.

//Gülnarə Abasova, Editor.az