İndoneziyanın pop müğənnisi Ayunda Fəza Maudyanın G-20-nin sözçüsü təyin edilməsi ölkəsində etirazla qarşılanıb.
Maudi Ayunda səhnə adı ilə tanınan 27 yaşlı müğənni və aktrisanın G-20 ölkələrinin ölkədə keçiriləcək sammitinin sözçüsü təyin edilməsi İndoneziyanın gündəminə çevrilib.
Bu addımın Rusiyanın Ukraynaya müdaxiləsi səbəbilə bəzi ölkələrin boykot qərarı aldığı tədbiri daha cəlbedici etmək üçün edildiyi iddia olunub.
Həmçinin gənc müğənni Ayundanın diplomatik və ya iqtisadi təcrübəsinin olmamasının böyük narahatlığa səbəb olduğu bildirilib.
Qərar ölkədə müzakirələrə və etiraza səbəb olub.
Teleqraf.com