HRW hücumlar nəticəsində bir çox insanın evsiz qaldığını bildirib.

Human Rights Watch (HRW) may ayında İsrailin Qəzzaya hava zərbələri endirməklə dörd yüksək mərtəbəli binanın məhv edilməsini hərbi cinayət hesab edə biləcəyini bəyan edib.

Editor.az xəbər verir ki, HRW tərəfindən hazırlanan hesabata görə, binalara edilən hücumlarda ölən olmasa da, onlarla ailə evsiz qalıb. İsrail ordusu Fələstinli yaraqlı qrupların çoxmərtəbəli binaları hərbi səbəblərdən istifadə etdiyini və mülki əhalini “qalxan” kimi istifadə etdiklərini iddia edib.

 HRW, İsrailin bu iddiaların doğru olduğunu sübut edəcək faktlar təqdim edə bilməyəcəyini bildirib. Hesabat üçün HRW hücumların şahidi olan 18 fələstinli ilə görüşüb, video və fotoşəkilləri araşdırıb. Binada Həmasın varlığına dair heç bir izin olmadığı bildirildi. HRW tərəfindən Həmas binalarında olsa belə, hücumun qeyri -mütənasib olaraq vətəndaşlara zərər verdiyi bildirilib.

11-15 May 2021 tarixlərində İsrail Qəzzadakı Hanadi, Jawhara, Shorouk və Jala qüllələrini söküb. HRW hesabatına görə, İsrail hər hücumdan əvvəl sakinləri binaya vuracaqları barədə xəbərdar edib. BMT məlumatlarına görə, 11 gün davam edən qarşılıqlı hücumlarda Qəzzada 256, İsraildə 13 nəfər həyatını itirib.

//Gülnarə Abasova, Editor.az