İran diplomatiyasının rəhbəri Hüseyn Əmir Abdullahiyan Amerika tərəfini təhdid dilindən əl çəkməyə çağırıb. O, həmçinin Vaşinqtona diqqətini Yaxın Şərqdəki münaqişənin siyasi həllinə yönəltməyi tövsiyə edib.
Nazir vurğulayıb ki, ABŞ-dan hər hansı təhdid olarsa, Tehrandan dərhal və qəti reaksiya veriləcək. Bundan əvvəl ABŞ Silahlı Qüvvələri İordaniyadakı ABŞ bazasına pilotsuz təyyarənin hücumu nəticəsində 3 ABŞ əsgərinin öldüyünü, daha 34 əsgərin yaralandığını açıqlamışdı.
Vaşinqton bazaya hücumun arxasında Tehranın olduğunu iddia edib. Artıq KİV-lər ABŞ hakimiyyətinin İrana qarşı əməliyyat hazırladığını bəyan ediblər.
//Samir Qurbanov, Editor.az