Ukrayna münaqişəsi daxilində vəziyyət ilin sonuna qədər əhəmiyyətli dərəcədə dəyişə bilər, lakin hazırda Rusiya üçün danışıqlara başlamağın mənası yoxdur.

Editor.az bildirir ki, bu fikri cümə axşamı, avqustun 22-də Dövlət Dumasının deputatı Aleksey Çepa bildirib. “Kursk vilayətinə hücum olanda, Ukraynadan Qərb ölkələrinə Rusiya ərazisində təchiz edilmiş silahlardan istifadəyə icazə tələblərini eşidəndə, regionlara daim pilotsuz təyyarələr zərbələri endiriləndə hər hansı danışıqlardan danışmaq çox çətindir”, – siyasətçi “Lenta.Ru” ilə söhbətində deyib. Parlamentarinin sözlərinə görə, bu yolla Ukrayna gələcək danışıqlar çərçivəsində özü üçün müəyyən əlverişli şərtlərə nail olmağa çalışır, amma əslində bu, yalnız sülh nizamlanması prosesinin başlanmasını ləngidir.

“Hazırda bu danışıqların nə vaxt başlaya biləcəyini söyləmək çətindir, çünki hazırda mən bunda məna görmürəm. İlin sonuna qədər, əlbəttə ki, hər şey dəyişə bilər. Lakin bunun üçün, məncə, silahlı qüvvələrimiz tərəfindən müəyyən, daha sərt tədbirlərə ehtiyac var”, – Çepa qeyd edib.

//Samir Qurbanov, Editor.az