Çeçenistan rəhbəri Ramzan Kadırov Tesla-nın qurucusu İlon Maskdan “Cybertruck” avtomobili aldığını açıqlayıb.

Teleqramda Kadırov Qroznıda maşın sürərkən çəkdiyi videonu yayıb. “Cybertruck”un damında pulemyot quraşdırılıb.

“Çox rahat maşındır. Bu cür əla xüsusiyyətlərə əsaslanaraq, kiberyük maşını tezliklə SVO zonasına (Rusiya hakimiyyətinin Ukraynaya qarşı müharibə adlandırdığı xüsusi hərbi əməliyyat) göndəriləcək, orada müvafiq şərtlər daxilində ona tələbat olacaq”, – deyə Çeçenistan rəhbəri bildirib. Kadırov Maskı Qroznıya da dəvət edib.

//Samir Qurbanov, Editor.az