Rusiya Dövlət Dumasının spikeri Vyaçeslav Volodin bildirib ki, ona qarşı 19 minə yaxın sanksiya tətbiq edilib.

Editor.az bu barədə Rusiya mətbuatına istinadla xəbər verir.

“Avropa İttifaqı tərəfindən Rusiyaya qarşı 12-ci sanksiya paketinin təsdiqindən sonra 18 772 qeyri-qanuni məhdudlaşdırıcı tədbir həyata keçirilib”, -o yazıb. Volodin hesab edir ki, ABŞ-ın diktəsi ilə hərəkət edən Avropa ölkələri ilk növbədə öz vətəndaşlarına ziyan vurur. Onun sözlərinə görə, avrozona iqtisadiyyatının indi altı ay ərzində azalacağı gözlənilir ki, bu da koronavirus pandemiyasından sonra ilk tənəzzülü qeyd edir. O əlavə edib ki, Rusiya Federasiyasında ilin sonunda ÜDM-in artımı 3,5% səviyyəsində proqnozlaşdırılır.

Qeyd edək ki, dekabrın 18-də Avropa İttifaqı Rusiyaya qarşı 12-ci sanksiyalar paketini təsdiqləyib. Bəyanatda bildirilir ki, yeni məhdudiyyətlər konkret olaraq Rusiya Federasiyasının döyüş əməliyyatları aparmaq qabiliyyətinə əlavə zərbə vurmaq məqsədi daşıyır.

//Gülnarə Abasova, Editor.az