İndoneziyada sürüşmə və daşqın eyni vaxtda baş verib: Ən azı 21 nəfər ölübbackend

İndoneziyada sürüşmə və daşqın eyni vaxtda baş verib: Ən azı 21 nəfər ölüb

  • whatsapp
  • messenger
  • telegram
  • vkontakte
  • odnoklassniki

İndoneziyanın Sumatra adasında leysan yağışların səbəb olduğu sel və torpaq sürüşmələrində ən az 21 nəfər həyatını itirib və 6 nəfər itkin düşüb. İtkinlər ilə bağlı axtarış-xilasetmə işləri davam edir.

Editor.az xəbər verir ki, ölkənin Milli Fəlakətlərin İdarə Olunması Agentliyinin məlumatına görə, Sumatra adasındakı fəlakətlərin nəticələri aydınlaşmağa başlayıb. Qərbi Sumatra əyalətinin 9 rayon və şəhərində 80 mindən çox insanın müvəqqəti sığınacaqlara təxliyə edildiyi, 20 minə yaxın evin su altında qaldığı da bildirilib. Bölgədə elektrik enerjisinin kəsilməsi və yolların palçıq olması səbəbindən axtarış-xilasetmə işlərinin çətinləşdiyi vurğulanıb.

Əvvəlki aylarda da oxşar yağışlar Şimali Sumatra bölgəsində baş vermiş, daşqınlar və torpaq sürüşmələri nəticəsində ən azı bir nəfər həlak olmuş, 11 nəfər itkin düşmüşdür.

//Gülnarə Abasova, Editor.az